Okkara fyrsta húsakeyp

Tað fór frá eitt sindur av uppfrískan til eina heildarumvæling

Okkara fyrsta húsakeyp

Áðrenn tekjan verður tikin av

2021-01-01 22:55 Author image
Karin O. Joensen 2021-01-01 22:55

Í 2018, keyptu vit okkara fyrstu hús. Húsini eru bygd í 1906. Planurin var at mála eitt sindur, gera eitt eyka kamar á loftinum og skifta tekjuna. Men ætlanin broyttist tá vit fóru í gongd. Tað fór frá eitt sindur av uppfrískan til eina heildarumvæling.

[object Object]

Okkum dámdu sera væl staðsetingina av húsinum. Tað lá tætt við miðbýin og hevði ein trappu í urtagarðinum sum leiddi niðan til skógøkið beint omanfyri

Mánaðin vit fluttu inn, gingu vit bæði til roynd. Alt var eitt stórt rok og tí fóru vit ikki undir at seta í stand fyrr enn mánaðan eftir.

[object Object]

[object Object]

[object Object]

Floksfelagir hjá Dánjal høvdu bjóðað seg til at hjálpa til í nakrar dagar at skifta takið. Tí gjørdist hetta fyrsta stigið í umvælingini.

Húsini høvdu verið ígjøgnum eina óhepna umvæling í 70’unum. Tí ynsktu vit at taka úthangið burtur, fyri at fáa tann gamla originala gesimsin sjónligan aftur og á tann hátt eisini fáa tí gomlu sálina framm aftur í húsini.

Tað tók góðar tríggjar mánaðir til takið var skift. Størsta avbjóðingin var tann nógvi hitin hetta summarið; síðani fjarstøðan til vegin og tað hallandi lendi.

Hallandi lendi gjørdi, at hvør taksteinur skuldi berðast frá parkeringsplássinum og upp á tekjuna við hondkraft í 30 gradum. Eg veit ikki um Dánjal nakrantíð hevur sveitta so nógv fyrr. Nógv vatn bleiv drukkið, men tað var sum um, at tað rann líka skjótt út sum inn.

Tá vit fóru undir at uppbyggja gesimsin aftur var hann so illa farin at avbjóðingin enn einaferð tók um seg. Av tí at vit halda okkum til uttandura projektir um summari og seta í stand innan um veturin, er hesin parturin enn undir uppbyggjan, men vit stremba eftir at húsini útvendigt standa liðug, summarið 2021. 

 

----

[object Object]

Eg eiti Karin og eri gift vid Dánjal. Saman eiga vit børnini, Natalia, Nóa, Jónas og í komandi viku verda vit ríka vid enn einum beiggja.

Vit eru búsitandi í Vejle.

Eg lesi eina ”professiónsbachelor í ernæring og sundhed”, og eri avloysari á einum krisicentri fyri kvinnur og børn.

Komandi januar til septembur farið eg enn einaferð í barsil.

Dánjal er útlærdur múrari og býggifrøðingur. Hann arbeiður sum projektleiðari á renoveringsdeildini hjá Casa AS.

Vit hava stóran áhugað fyri umvæling, innrætting, endurnýtslu, kreativiteti, familjulívinum og øllum har ímillum.

Um tit ynskja at fylgja okkara dagligu renoveringsprojektum eru vit at finna á Instagram her.