Perfekt óperfekt jólaprýði

Jólaprýði við sjarmu. Eitt rák sum hevur stungið seg upp, er tað óperfekta jólaprýði

Perfekt óperfekt jólaprýði
2020-12-17 22:02 Author image
Birita Sjúrðaberg 2020-12-17 22:02

Í seinasta blogginum skrivaði eg um, at stuttligar jólakúlur eru nógv at síggja aftur í ár. Men tað eru ikki einans stuttligar jólakúlur, ið eru tað nýggja rákið. Eitt annað rák hevur eisini stungið seg upp, er tað óperfekta jólaprýði.

Jólaprýðið, ið er seymað, skal ikki vera alt ov perfekt, men helst hava trevsaðir toykantar, skeivar formar og blandað mynstur. Tú kanst gloyma alt um, at stressa yvir jólaprýðið, tí óperfekt jólaprýði er tað perfekta prýðið.

Hesin tendensurin gevur ábendingar um, at okkum dáma væl ting, ið eru hondgjørd, og sum onkur hevur lagt kærleika í at gera, ístaðin fyri ting í eru hópframleidd.

Vanliga hava føroyingar góð skapanarevni, so eg ivist ikki í, at fleiri kunnu fáa íblástur til eitthvørt projekt. Tú kanst nýta alt frá pastel litaðum pappíri og glimmuri, til tógv og stríput toy, tá jólaprýðiðið skal klippast og seymast. Dámar tær eisini hetta rákið? So er íblástur at heinta her:

[object Object]@instabydomi

Hekla og seyma jólaprýði

Domonique er navnið handan instagram vangan @instabydomi. Hon er sera skapandi, tí at hon bæði seymar og heklar ymiskt prýði – millum annað jólaprýði, nýttársprýði, páskaprýði o.s.fr. Hon skapar heilt einastandandi hondgjørdir lutir, og hvørt verk hon ger, er eitt eindømi. Hon dugir serstakliga væl at fáa tað, ið hon ger, at síggja persónligt og einstakt út. Hon leggur ikki í, um tráðirnir eru trevsutir og/ella um aðrir skeivleikar eru, og tað haldi eg eisini er sjarmerandi við hennara verkum.

[object Object]@instabydomi

[object Object]@instabydomi

[object Object]@instabydomi

[object Object]@instabydomi

[object Object]@instabydomi

[object Object]@albertine_brask

Pappírsklipp við glimmur

Tine er kvinnan handan instagram vangan @albertine_brask. Hon er listhandverkari og fæst við ymiskt kreativt. Serliga, er tað pappírsklipp, keramikk og hekling, ið hon fæst við. Hon pyntar pappírsklipp við millum annað glimmuri og lametta. Hon nýtir serligt pastel litað  pappír, sum ger, at tað sær deiliga frískligt út. Hon gongur ikki so høgt uppí, at alt skal vera klipt snórabeint. Heldur dámar henni, tá tað er eitt sindur skeivt, tí at tað ger hvørt einstakt verk serstakt og persónligt.

[object Object]@albertine_brask

[object Object]@albertine_brask

[object Object]@albertine_brask

 

----

Birita Sjúrðaberg

[object Object]

Eg starvist á goymsluni á Klaksvíkar sjúkrahúsi. Eg eri 27 ára gomul og uppvaksin og búsitandi í Klaksvík.

Eg, sjeikurin og sonurin sum er 6 ár, búgva í eini lítlari kjallaraíbúð, sum foreldur míni eiga. So leingi eg minnist, havi eg havt áhuga fyri innrætting, og at hugna um.