Salat við søtepli

Tá máltíðin skal vera løtt og ómakaleys, men samstundis væl smakkandi og hampiliga heilsugóð

Salat við søtepli
2020-05-25 19:10 Author image
Birita Sjúrðaberg 2020-05-25 19:10

Hetta leskiliga salatið gjørdi eg ein dagin úr restum eg átti í køliskápinum. Haldi at tað eydnaðist heilt væl, og havi eg tí hug, at deila hesa sera løttu uppskriftina við tykkum.

Hetta salatði kann etast við breyði aftur við, men kann eisini etast aftur við einum búffi ella høsnarunga

Tilfar: (4 persónar)

1 bakka av blandaðum salati

250 g av søt eplum

1 tsk olivenolju ella hvítleyksolju

1 tsk timian

1 tsk salt

1 tsk piparmix

1/2 bakka av reyðum víndrúðum

150 g av fetaost

Valnøddir eftir ynski

 

Dressing:

Súrrómi 18%

Rosmarin

Basilikum

Salt

Piparmix

Afturvið:

Kjarnubreyð rista á pannuni í sindur av olivenolju

Prei:

Ístaðin fyri at brúka víndrúðir, ber eisini til at brúka kjarnurnar frá granateplum ella vatnmelón, sum er skorin í smáar puntar.

Tilgerð:

[object Object]

Byrja við at tendra ovnin. Set hann á 200 gradir luft. Flys skali av søteplinum, og sker í smáar puntar. Legg teir í eitt lítið eldfast fat. Vend søteplini í olivenolju ella hvítleyksolju, og krydda við eitt lítið sindur av salti og timian. Koyr síðani í ovnin, og lat vera í ovninum í 30-40 min. Lat kølna, ímeðan tú gert restina klárt.

Skola síðani tað blandaða salati, og lat torna. Skola víndrúðir og sker í smá pettir. Tá blandaða salati er torna, koyrir tú tað í eitt ílat, saman við víndrúðunum og fetaosti, og koyr síðani søteplini omanyvir og drússa knústar valnøtur omanyvir.

Vælgangist

Stutt lýsing av Biritu:

[object Object]

Eg starvist á goymsluni á Klaksvíkar sjúkrahúsi. Eg eri 27 ára gomul og uppvaksin og búsitandi í Klaksvík.

Eg, sjeikurin og sonurin sum er 6 ár, búgva í eini lítlari kjallaraíbúð, sum foreldur míni eiga. So leingi eg minnist, havi eg havt áhuga fyri innrætting, og at hugna um.